Showing posts with label Daughters. Show all posts
Showing posts with label Daughters. Show all posts

Wednesday, September 23, 2020

Defying all ODDs



I am stuck in your lies
The relationship defies 

I feel a little less 
It's all a huge mess

I talk my mind 
Let's not play games 

By making a fool of me in the hindsight 
I wish to disappear from your world your sight 

It no right & wrong 
It's a little fight in my mind 

You killed my opportunities 
You kept a single focus sight 

You need me - you play with me 
You never trust me or care 

You lie you defy and you never share 
You make me wonder always if you really do care!! 

You taught me 
Now sort me 
Hate me just say me 
Why give me this loaned care.. 

There's no point to prove right!
It just doesn't feel fair..

My mum says my dad feels
I am a gem so rare! 

This is how you defy me 
O dear! you just don't care! 

Tuesday, April 7, 2020

Maa Kehti Thi Pari Hun Mein :)


Maa kehti thi pari hun mein
Papa ki sar chadhi hun mein

Yaad atta hai padhayi ki tension le jaana
Papa ka ye kehna exam dene hi na jaana

Maa ka mere sapno ke liye lad jaana
Dadu ka tvs pe books dilane le jaana

Dadi ka door padhai ke naam pe muh ​fulana
Fir apne haath se parantha khilana

Nanihaal mein sabse badi hun mein... 
Poocho koi nani se...aaj bhi sar chadi hun mein...

Raub to hona hi tha...nani ki, mama ki...
Bhaiyon ki aur behno ki...sabki Ladli hun mein....

Bua ka debates ki tayyari karana
Tau ka aate jaate per chuu ke jai mata ki keh jaana

Bhaiyon ka aage peeche cycle pakad ke sikhana
Behno ke saath mein khilkhilana

Wo kehte the bel hai wo mein ped ka tana..
Chota sa bhai​ jab​ mer​i​ doli vidaa karne chala..

Dhoondna pada tha usko...
Thaka so gaya tha pandaal mein...

Khush rehna harhaal mein...kehke kar diya vida
Ab jeevan hai sasural mein...aur kar diya alvida...

Aaj neend nahi aayi ...
Aur ghar yaad aa gaya....

Covid19 ka isolation...
Kavita kehla gaya....

Jeevan badalta rehta hai....
Dadu ne kahani sunayi thi....

Jaise jaane se pehle ... tayyari karayi thi..
Bole Shrestha jeevan uss daasi ka hota hai...

Jiska din-raat kewal uska farz hota hai...
Weh karm kar so jaati hai aur utth kaam par lag jaati hai.... 

Use na koi moh aur na koi dwesh hota hai...
Baat keh kar wo akasmat hi chale gaye...

Mano shiksha dekar jeevan ka falsafa de gaye...
Aaj bhi jab bhai-behen milkar sab baat karte hai...

Jeevan ki thakaan ka sanhaar karte hai..
Wo bachpan ke baaton ka pitara khol dete hai ....

Kuch pal ki thitholi mein jee bhar ke Hans lete hai...
Aur fir se nayi dincharya ka aarambh hota hai....

Kya aap ke bhi jeevan mein aisa sab hota hai....
Jo bhi ho jeevan mein bachpan bejod hota hai...

Sab chooth jata hai beech mein kahin....
Par ghar bhar ka pyar bejod hota hai...

Ab yaad aati hai bahut...
jab do pal ka chain hota hai...

harpal ye ehsaas hota hai....
Kyun maa kehti thi pari hun mein....

Monday, August 18, 2014

Kyun!


Kyun ladki ke sapne nahi hote...Kyun uske pankh apne nahi hote..
Kyun uska koi ghar nahi hota...Kyun apna ghar apna nahi hota....

Kyun bhej dete hai use parayi amanat maankar....
Aur apne ghar mein use paraya maante hai.....
Kya ya reet hai samaaj ki - Kya ye geet hai shay-maat ka
Kyun uske par kaatne ka riwaaj hai ye - kyun uski iss ladayi mein usi ki maat hai

Kyun adhikar use dene se darte hai hum...kya uske andar ki shakti se darte hai hum
Kyun uska har sangharsh bemaani mana jaata hai -
Kyun use rishton ki kashmakash mein - majhdaar mein chhodda jata hai

Kyun wo ek maa-baap ka sapna nahi hoti...Kyun uski unsuni awaaz ki sunwayi nahi hoti....
Kyun wo akeli be-bas samjhi jaati hai...Kyun uske uth-kar chalne pe tauhmat laga di jaati hai

Uske chalne, rukne ko tola-mola jaata hai...
Kyun uski sewa-shiddat ko dikhawa samjha jaata hai....
Gar chalti hai apni dhun mein -to Dhunki kehlati hai....
To kya hua gar wo apni marzi ki raah par chalna chahti hai....

Wo sabke sapno ka ghar bade pyar se sajati hai
To kya hua gar wo - ek sapna jeena chahti hai....
Kyun wo Guroor, wo Sapna aur Sapne se upar nahi hoti...
Kyun uski ek udaan, bardaasht nahi hoti....

Kyun uske adhoore-poore hone par shart samaaj lagata hai
Kyun aisa samjha jaata hai ki uske komal hriday ki awaaz nahi hoti....
Kyun uski dhahkan girvi hai, jeevan hai usme wo koi samaan nahi hoti...
Kya ladki iss samaaj mein - Ek Jaan nahi hoti!!

Kyun uske pankhon mein jaan bharne se sab darte hai....
Kya uski udaan mein - koi shaan nahi hoti...

Kyun uske jeewan ka adhaar sadev doosre se hota hai...
Waise to kehte hai ye dhara jo maa hai - bhi hoti hai ek ladki

Kyun use ladta dekhkar ye maanush bardaasht nahi kar pata hai....
Kyun use lalkaarte hue wo uske charitra pe ghaav lagata hai...
Ruko - dekho ye wahi purush hai jo duniya ke saamne Jai Ambe, Jai Mata ka dharm gyan sunata hai

Yaad rakho ek tum jaisa hi insaan hai ladki
Uski bhi ek pehchaan hai....Uske sapne hai....
Jin pankhon mein bhari us Ishwar ne udaan hai.....
usi Ishwar ka ek vardaan hai- ladki!